యూట్యూబర్ షణ్ముఖ్ జస్వంత్ బుల్లితెర మీద, సోషల్ మీడియాలో మంచి ఫేమ్ తెచ్చుకున్న నటుడు.  షన్ను ఎలాంటి వెబ్ సిరీస్ చేసినా అది యూత్ కు బాగా  కనెక్ట్ ఐపోతుంది. అలాంటి షన్ను ఆహా సంస్థతో కలిసి ఏఏఎస్ ఏజెంట్ ఆనంద్ సంతోష్ గా అందరినీ మెప్పించి ఓటిటి ప్రపంచంలో కూడా తనదైన ముద్ర వేసేసుకున్నాడు. అలాంటి షన్ను లేటెస్ట్ గా కొత్త ప్రాజెక్ట్ తో రాబోతున్నట్లు తన ఇన్స్టాగ్రామ్ పేజీ ద్వారా ఒక అనౌన్స్మెంట్ ఇచ్చాడు. "స్టూడెంట్" అనే కొత్త వెబ్ సిరీస్ ని స్టార్ట్ చేసినట్లు దాని షూటింగ్ కూడా స్టార్ట్ ఐనట్లు వెల్లడించాడు. ఇందులో రాఘవ, శివ, చక్రి అనే ముగ్గురు స్టూడెంట్స్ ఉంటారు. షన్ను ఇందులో శివ అనే స్టూడెంట్ గా నటిస్తున్నాడు.

ఈ త్రి క్యారెక్టర్స్ ట్రాఫిక్ సిగ్నల్స్ కి గుర్తులు అని ఒక కాప్షన్ పెట్టుకున్నాడు. ఈ సిరీస్ లో శివగా నటిస్తుండడంతో ఇక నుంచి తన పేరు షన్ను కాదు శివ అని ఒక పోస్ట్ లో పెట్టుకున్నాడు. ఐతే ఈ సిరీస్ కి సంబంధించిన డీటెయిల్స్ గురించి ఇంకేమీ చెప్పలేదు. రీసెంట్ గా‘అయ్యయ్యో..’ అనే వీడియో సాంగ్ తో తన ఫాన్స్ ని అలరించాడు. షన్ను తన కెరీర్ మీద బాగా  ఫోకస్ పెట్టేశాడు. ‘బిగ్ బాస్’ సీజన్ 5 లో షన్ను ఇంట్లోకి ఎంట్రీ ఇచ్చి ఎలిమినేట్ అయ్యి బయటికి వచ్చాక తన సీన్ మొత్తం మారిపోయింది. దీప్తి బ్రేకప్ చెప్పేసింది. అలా వాళ్ళు ఎవరి దారిలో వాళ్ళు వెళ్తున్నారు. షన్ను మంచి మంచి ప్రాజెక్ట్స్ చేస్తూ సక్సెస్ ని ఎంజాయ్ చేస్తున్నాడు.